--Ads--
Uppat ti natay ken sangapulo ket siam ti nadunor mainaig iti kaunaan a Bangsamoro Autonomous Region in Muslim Mindanao (BARMM) parliamentary elections, segun ken ni Commission on Elections (Comelec) Chairperson George Garcia.
Pinasingkedan ni Garcia a tallo ti natay idi domingo ti rabii iti irruar ti Datu Usman Mampen Elementary School idiay Cotabato City, ken maysa idi kalman.
Kabayatanna, sangapulo ket lima ti nadunor iti pammaltog, maysa iti panagbettak ti maysa nga improvised explosive device ken tallo iti pammaltog idiay Central Pilot Elementary School, Cotabato City.
Pormalen a nagleppas wenno nagserra idi rabii ti kaunaan a BARMM parliamentary elections ket idi agdama maiur-uray laengen dagiti pannaka-iwaragawag dagiti nangabak.
-- ADVERTISEMENT --
