Aminado ni Commission on Elections (Comelec) Chair George Garcia a posible a saan da a maisayangkat ti Barangay ken Sangguniang Kabataan Elections (BSKE) inton Nobiembre 2, 20216 no kas bilang agirruar ti temporary restraining order ti Korte Suprema kontra iti panangitantan ti eleksion.
Segun ken ni Garcia, insardengen ti Comelec dagiti panagsagana para iti BSKE kalpasan a nagbalin a linteg ti Republic Act No. 12326 a nangiyatiddog ti termino dagiti opisial ti barangay ken SK iti lima a tawen ken naituding a ti sumaruno nga eleksion ken inton Nobiembre 2028.
Karaman daytoy iti panagsagana para iti panagipila ti Certificates of Candidacy (COCs) a nakatuding kuma agingga Oktubre 5.
Pinasingkedan ni Garcia a no kas bilang agirruar ti bilin ti Korte Suprema, masapul a nakasagana ti Comelec nga agtignay a dagus kas panangsurot iti daytoy.
