Inlawlawag ti Philippine National Police (PNP) a saan a nagikkat ti puesto ni Criminal Investigation and Detection Group Chief Brig. Gen. Nicolas Torre III kasaruno ti pannakakemmeg ni dati a President Rodrigo Duterte.
Segun ken ni PNP Public Information office chief Col. Randulf Tuaño, ti agwarwaras iti online a resignation ni Torre ket naipasa bayat ti kaaddana iti Quezon City Police District (QCPD).
Nagikkat ni Torre a QCPD Chief idi August 2023 kasaruno ti road rage incident a nakairamanan ti maysa a polis ken maysa a cyclist iti Quezon Avenue.
Kinuna ti PNP a nagikkat ni Torre tapno maddaan ti impartial probe iti insidente ket awan ti maisayangkat a cover-up iti panangduktal iti kinapudno.
Kadagita a panawen ket sinukatan isuna ni dati a QCPD Public Information chief Brig. Gen. Redrico Maranan.
Maipalagip nga idi March 11 ket ni Torre iti nangiserbi ti warrant ken ni Duterte.
