Bilang ti natay iti magnitude 7.8 a gingined idiay Mindanao, umaboten iti 61

Umaboten iti 61 nga indibidual ti natay iti magnitude 7.8 a gingined idiay Mindanao maibasar iti kaudian a rekord ti Office of the Civil Defense.

Segun ken ni OCD Assistant Secretary Bernardo Rafaelito Alejandro IV, agtultuloy ti panangberipikada iti pakabigbigan dagiti natay.

Malaksid iti 61 a natay, 33 ti mapukpukaw ken 1,221 ti nadunor.

Agtultuloy ti operasion dagiti pannakabagi ti linteg kadagiti naapektaran a komunidad.