Nagbalin a na-kappia ken nasayaat ti selebrasion ti maika-128 nga anibersaryo ti Independence Day iti intero a Pilipinas.
Segun ti Philippine National Police, awan ti nairekord nga aniaman a darakkel nga insidente kadagiti selebrasion ken kilos-protesta.
Pinasingkedan ni PNP chief Gen. Jose Melencio Nartatez Jr. nga agtultuloy latta nga i-monitor dagiti kapulisan ti sitwasion kas panangsurot iti direktiba ni Presidente Ferdinand R. Marcos Jr. ken Interior Secretary Jonvic Remulla tapno masigurado ti kinatalged ti publiko.
Immunan nga impasidong ti PNP iti full alert status ti amin a police regional offices ken national support units mainaig ti selebrasion ti Independence Day.
Mapatta-patta a 89, 000 a pulis ti naideploy iti intero a pagilian tapno ag-bantay kadagiti seremonya, pampubliko a panagu-ummong, transport hubs, tourist destinations ken dadduma pay a lugar.
