--Ads--
Nangibingay iti mensahe ni Miss Universe 2018 Catriona Gray para iti maika-128 nga anibersaryo ti Independence Day ti Pilipinas.
Inyebkas ni Catriona ti panagayatna iti pagilian iti baet dagiti parikut ken karit a sangsangwenna.
Segun ken ni Gray, agtultuloyna a pilien nga ayaten ti Pilipinas ta mamati nga adda pay namnamana a dumur-as.
Arapaap ti beauty queen a dumteng ti panawen a nawaya ti marikna ti kada Pilipino – nawaya iti bisin, buteng, ken kinaawan hustisia.
-- ADVERTISEMENT --
Inallukoyna met dagiti Pilipino nga agtalinaed a sinanama ken ituloyda ti agbalin a nagaed para iti naraniag a masakbayan ti pagilian.
