Naka-heightened alert ti amin a personnel ti Philippine National Police idiay Mindanao kasaruno ti magnitude 7.8 a ginggined a nagsentro idiay Sarangani.
Segun ken ni PNP Chief Gen. Jose Melencio Nartatez Jr., gagem daytoy a masigurado a tumulong ti kapulisan iti evacuations, seguridad kadagiti kritikal nga imprastruktura ken relief operations kadagiti apektado a lugar.
Impasigurado ti PNP ti panangpatalinaed ti kinatalged dagiti kalsada, access routes para kadagiti rescue team, kasta payen ti seguridad kadagiti evacuation center kangrunaan kadagiti coastal community nga apektado ti tsunami warning.
Nainget a makibin-binulig ti kapulisan iti Office of Civil Defense (OCD), National Disaster Risk Reduction and Management Council (NDRRMC), ken kadagiti lokal a gobierno.
