Pinalagipan ni Philippine National Police (PNP) chief Gen. Jose Melencio Nartatez Jr. iti dagiti police personnel nga agtalinaed nga apolitical ken agpokus laeng iti mandato a pagtalinaeden iti linak ken kappia kagiddan iti heightened political tensions iti pagilian.
Segun ken ni Nartatez, rumbeng nga agtalinaed a neutral ti uniformed ken non-uniformed personnel kagiddan ti kumarkaru a political debates iti online ken iti public discussions.
Kinunana a saanda a trabaho iti makiraman iti politika ket saan a mandato dayta kadakuada.
Ti kangrunaan a Pinalagipan ti PNP Chief ket dagiti police officer nga aktibo iti social media ken digital platforms tapno maipatungpal ti panagdisiplina, kas mayataday iti bilin ni Pres. Ferdinand Marcos Jr. ken Interior Secretary Jonvic Remulla nga ipatungpal ti professionalism ken integridad iti police organization.
