--Ads--
Impaganetget ni Vice President Sara Duterte nga awan planona nga agawen ti posision ni Presidente Ferdinand Marcos Jr. ken agtaltalinaed a nakapokus iti sinapataanna a trabaho iti salinong ti Konstitusion.
Saan nga inawat ni Duterte dagiti panawagan manipud kadagiti sumagmamano a grupo ken dagiti retirado nga opisial ti military nga idaulwanna ti protesta kas ti People Power kontra iti agdama nga administrasion.
Impaganetget pay ti bise presidente a ti ania man a panagbaliw iti liderato ti pagilian ket nasken a dumalan kadagiti legal ken constitutional a proseso.
Kabayatanna, manamnama ti panagtaray ni Duterte iti eleksion inton 2028.
-- ADVERTISEMENT --
