Saan a kinumpirmaran ni Palace Press Officer Claire Castro ti report nga adda mapapati a plano a panagatake iti Malakanyang inton June 12 kagiddan ti panagrambak iti Independence Day, ngem nagpanawagan iti publiko ng agbalin nga alisto kontra iti inawaganna a “forces of darkness”.
Segun kenkuana, saanda pay a makumpirmaran ti nasao a banag kasaruno ti post ni veteran Journalist Ramon Tulfo a nagkauna nga adda intelligence report ti Philippine National Police maipanggep ti posible a plano a panagatake nga adda pakainaigan ti maysa a religious sect.
Innayonna a saan a baro dagiti nasao a report ken adda dagiti grupo a mapapati a mangsupsuportar iti maysa a political figure a kayatda a masukatan ti liderato sakbay a malpas ti termino ni Pres. Ferdinand Marcos Jr. inton 2028 ken inawaganna ti nasao a politiko a “power-hungry”.
Kabayatanna, pinasingkedan ni PNP Public Information Office chief Col. Allen Rae Co nga awan iti naawatda a validated intelligence maipanggep iti pangta iti Independence Day celebrations inton June 12.
