--Ads--
Inallukoy ti Malakanyang dagiti agindeg kadagiti lugar nga apektaran ti Super Typhoon Rosal nga agurnong iti danum ti tudo tapno makatulong iti panagsagana iti epekto ti El Niño.
Segun ken ni Palace Press Officer Claire Castro, makatulong daytoy kadagiti lugar a makapadpadas iti tikag ken kinakirang ti suplay ti danum, no la ket natalged ti pannakaurnongna.
Impasigurado pay ti gobierno a nakasagana dagiti maseknan nga ahensia a mangtaming iti posible nga epekto ti bagyo.
Kabayatanna, imbayog ti PAGASA iti Tropical Cyclone Wind Signal No. 2 ti Batanes gapu iti umadani a tudo, a manamnama a mangitunda iti napigsa agingga nakaru a panagtudo iti lugar.
-- ADVERTISEMENT --
