Insigida a simmabak iti trabaho ti Independent Commission for Infrastructure nga agimbestigar kadagiti anomaly iti infrastructure project iti gobierno kangrunaan iti flood control projects, kalpasan nga impakaammo ni Pres. Ferdinand Marcos Jr.
Indauluan ni Court of Appeals Justice Pedro Corales ti oath taking ni ICI Chairperson Andres Reyes Jr. ken dagiti commissioner a da dati a DPWH Sec. Rogelio Singson ken SGV and Co. country managing partner Rossana Fajardo.
Dimmar-ay pay iti seremonya ni Baguio City Mayor Benjamin Magalong nga agbalin nga Special Adviser iti komisyon.
Babaen iti bileg ti Executive Order No. 94 ket binilin ni President Marcos ti ICI nga imbestigaran ken agala kadagiti ebidensya ken impormasyon iti anomaly iti flood control ken dadduma pay a kapada dagiti proyekto iti gobierno.
Agirekomendar kadagiti kaso iti Office of the Ombudsman, Department of Justice (DOJ), Civil Service Commission (CSC), ken dadduma pay a competent bodies maipanggep iti isyu.
Isinagsingna pay dagiti rumbeng nga addang tapno masigurado ti transparency ken accountability kadagiti programa iti imprastraktura.
