Nagturong iti Department of Justice (DOJ) ti whistleblower iti kaso dagiti mapukpukaw a sabungero a ni Julie Patidongan wenno alyas totoy.
Nagkedked a nangted ti detalye ni Patidongan ken uray ti abogadona a ni Atty. Manuel Ventura no ania ti gagarada iti taripnong a nagpaut iti mano nga oras.
Idi Marso ket bimmisita pay iti DOJ da Patidongan ken ti abogado ni Atong Ang a maitudtudo a mastermind iti pannakapukaw dagiti mannadi.
Kinumpirmaran idi ni Atty. Gabriel Villareal nga abogado ni Ang a mapapati a nag-recant ni Patidongan kadagiti testimonyana iti maysa a kaso tapno maidiin ti kliyentena.
Immunan a pinasingkedan ni DOJ Spokesperson Atty. Polo Martinez a mabalin latta nga isayangkat ti preliminary investigation bayat nga aggar-garaw iti kaso iti korte ta saanna a maapektaran dagiti ebidensia.
