Plano a pag-sangoen ni Senate President Pro Tempore ken Blue Ribbon Committee Chairperson Panfilo “Ping” Lacson da dati nga Speaker Martin Romualdez, dati nga Ako Bicol Party-list Representative Zaldy Co, ken dagiti 18 indibidwal a nagpayyam-ammo kas dati a suldado, iti panagdenggeg ti Blue Ribbon Committee mainaig ti anomalya iti flood control projects.
Segun ken ni Lacson, agtultuloy nga im-imbitaran ti komite ni Romualdez agingga adda dagiti impormasion a mainaig kenkuana ken kasapulan ti partisipasion-na.
Napateg nga agsasango da Romualdez, Co ken dagiti 18 a suldado kasta pay ken ni Orly Guteza iti panagdenggeg ti senado tapno mapagmaymaysa dagiti statement da ken maammuan no sino ti agibagbaga ti kinapudno.
Kabayatanna, impaganetget ni Lacson nga isagana na ti maysa a Chairman’s Progress Report mainaig iti flood control scandal tapno maikkan dalan ti panagdenggeg ti komite iti panangbukel ti kaso iti Department of Justice ken Office of the Ombudsman kontra kadagiti karaman iti anomalya.
