Inawagan ni Senador Rodante Marcoleta a “marites” wenno saan a nangted ti saan a beripikado nga impormasion ni Department of Justice Secretary Frederick Vida mainaig iti pannakakemmeg ni dati nga Ako Bicol Partylist Representative Zaldy Co.
Atapen ni Marcoleta a ni Vida ti nangted ti saan a beripikado nga impormasion ken ni Presidente Ferdinand Marcos Jr. a nakemmeg ni Co idiay Czech Republic.
Kwinestyonaran ni Marcoleta ti ipapan dagiti opisial ti DOJ idiay Czech Republic ket impaganetget na a no agpayso a nakemmeg ni Co iti sabali a pagilian ket masapul nga adda kuma iti maaw-awagan a consular notification process.
Segun iti senador, mabalin met a makaala ti impormasion iti Czech Embassy iti Pilipinas isu a masdaaw isuna no apay a kasapulan pay laeng nga agbiahe idiay dagiti opisial ti gobierno.
Iti agdama, awan pay ti opisial a kumpirmasion kadagiti otoridad ti Czech Republic mainaig iti damag a pannaka-detain ni Co.
