--Ads--
Pinasingkedan ni Department of Public Works and Highways (DPWH) Secretary Vince Dizon a nasken nga ibutaktak amin a naala nga state witness dagiti mastermind iti likudan ti binilyon a maanomalya a flood control projects ti gobierno.
Kinumpirmaran ni Prosecutor General Richard Anthony Fadullon a naala kas state witness da dati a DPWH undersecretary Roberto Bernardo, district engineer Henry Alcantara, regional director Gerard Opulencia, at contractor Sally Santos.
Segun ken ni Dizon, dimmalan iti nainget a beripikasion iti Department of Justice (DOJ) ken Office of the Ombudsman dagiti uppat sakbay a naala da kas state witnesses.
Inlawlawag met ti opisial a saan nga automatiko a na-absuwelto dagiti state witness iti amin a kaso. Reynand Fontejon
-- ADVERTISEMENT --
