--Ads--
Limapulo ket maysa a porsiento a Pilipino iti immanamong a rumbeng a madusa ni dati a President Rodrigo Duterte iti pammapatay mainaig ti war on drugs iti administrasyonna kas maibasar ti survey iti Social Weather Stations.
Ti nasao a survey nga inkomisyon ti Stratbase Group, rimmuar a 25% ti saan nga umanamong iti nasao a banag, sangapulo ket uppat a porsiento ti undecided idinto a sangapulo a porsiento iti saan nga adu ti ammona tapno mangted iti opinyon.
Nairekord idiay Visayas iti 62% a kangatoan a pananganamong a dusaen ni Duterte idinto a 47% idiay Mindanao.
Naisayangkat ti survey idi February 15 agingga 19 babaen ti panaginterview iti 1,800 respondents.
-- ADVERTISEMENT --
