--Ads--
Inwaragawagen ti Philippine Atmospheric Geophysical and Astronomical Services Administration nga opisialen a nangrugi ti panawen ti Southwest Monsoon wenno habagat.
Segun iti PAGASA, ti kaadda ti napipigsa nga angin abagat iti laud a paset ti pagilian ket maysa kadagiti pagilasinan nga umadanin ti panangrugi ti panagtutudo.
Gapu dayta, manamnama ti masansan a tudo, garruod ken kimat, nangruna iti laud a paset ti pagilian.
Nagballaag pay ti PAGASA a mabalin a maaddaan iti temporaryo a panagkapsut wenno panagsardeng ti tudo iti uneg ti mano nga aldaw wenno lawas.
-- ADVERTISEMENT --
Nabalakadan ti publiko ken dagiti ahensia ti gobierno nga agsagana iti posible nga epekto ti habagat ken dadduma pay a kasasaad ti panawen.
