--Ads--
Nakemmeg babaen iti naiwayat a hot pursuit operation idiay Baguio City ti maysa a lalaki a sumangsango iti kaso a carnapping iti Candon City, Ilocos Sur.
Iti pannaki-uman ti Bombo Radyo Vigan ken ni PLT. Jovelyn Antalan, ti suspek ket nagkamang iti ulitegna idiay Baguio City.
Nupay kasta, saan met a kinunsitir ti uliteg ti suspek ti mad inga aramid ti kaanakanna isu nga impakaammona kadagiti pannakabagi ti linteg ket naipaima kadakuada ti motorsiklo.
Innayon ni Antalan a ti suspek ket adda datin a kasona a Theft iti siudad ti Baguio.
-- ADVERTISEMENT --
Maipalagip nga idi Mayo 22, 2026 ket naireport iti Candon City Police Station a mapukpukaw ti motorsiklo kalpasan nga im-parking ti nakinkukua iti maysa nga establisimiento.
