Nakasagana ti Department of Social Welfare and Development iti posible nga epekto ti habagat a papigsaen ti Bagyo Domeng.
Segun iti DSWD, saan a manamnama nga ag-landfall iti Pilipinas ti bagyo ngem manamnama a papigsaen daytoy ti habagat a mabalin a mangitunda iti napigpigsa a panagtudo idiay Metro Manila ken dadduma pay a laud a paset ti Luzon ken Visayas ita a weekend.
Kabayatanna, impasigurado ti ahensia a nakaposision amin dagiti relief good ken nakaalerto dagiti field office para iti nasapa a panagresponde kadagiti maapektaran a komunidad.
Agingga iti May 29, umaboten iti P49 million dagiti food ken non-food item agraman ti standby fund ti inlatang ti ahensia.
Nabalakadan pay ti publiko nga agalerto ken sumurot kadagiti pammilin dagiti otoridad.
