Inflation idi Mayo, posible nga umabot iti 7.1 agingga 7.9 percent

Posible nga umabot iti 7.1 agingga 7.9 percent ti inflation idi Mayo 2026, maibasar iti forecast ti Bangko Sentral ng Pilipinas, nangatngato latta ngem iti target a 2-4 percent.

Kangrunaan a rason ti panagpangina ti presio ti bagas, nateng, ken karne, kasta payen ti kimmapsut a piso kontra dolyar.

Nakatulong tapno maksayan ti panagpangina ti presio ti rollback iti langis, nababbaba a presio ti ikan, ken panagbaba iti singir ti koriente.

Ad-adalen ti BSP ti 25-basis-point rate hike tapno makontrol ti inflation.