Imbutaktak ni Vice President Sara Duterte a saan laeng a karaman iti korapsyon ti flood control projects ni dati nga House Speaker Ferdinand Martin Romualdez nu diketdi karaman pay isuna iti illegal gambling.
Pinasingkedan ni VP Sara a manipud idi nagtugawda ken Presidente Ferdinand Marcos Jr. kas presidente ken bise presidente ket mangmangegnan iti maipagarup a panag-deliver ti kuarta a nakaikabil iti maleta.
Kinuna ti bise presidente a saan a sabalin ken ni Romualdez dagiti nasao a patangan gapu ti pannakairamanna iti Okada Case ken iti sabali pay a korapsion.
Kabayatanna, imbingay ni VP Sara a madanagan iti amana a ni dati a Presidente Rodrigo Duterte gapu iti maipagarup a korapsyon iti flood control projects iti pagilian. – Reynand Fontejon
