--Ads--
Pa-pasungbaten ti Office of the Ombudsman ni Senador Chiz Escudero mainaig iti alegasion a karaman isuna ti maanomalya a flood control projects.
Daytoy ti impaganetget ni Assistant Ombudsman Mico Clavano kalpasan nga inruar ti bilin ti anti-graft court mainaig iti banag.
Awan pay met ti sungbat ni senador Escudero iti nadakamat a bilin ti Ombudsman.
Kabayatanna, impakaammo ni Clavano nga adda metten iti salinong ti umuna nga imbestigasion ti maipagarup a pannakairaman ni dati nga House Speaker Martin Romualdez iti isyu ti flood control mess.
-- ADVERTISEMENT --
Immuna a pinasingkedan ni Ombudsman Jesus Crispin Remulla nga adda maararamiden a criminal case buildup kontra kada Escudero ken Romualdez.
