--Ads--
Mapapati nga umabot iti nasurok P1-B ti naipatulod a kuarta ni Wilt Walter Rosales, ti dati a personal assistant ni Henry Alcantara iti dati nga agpampanday-linteg a ni Zaldy Co.
Dagiti deliveries ket napasamak iti nagbaetan ti tawen 2022 agingga 2024.
Adda agiti gundaway a kadua isuna ni Alcantara iti panangipatulod iti kuarta ngem ti laeng tao ni Co ti kasangona nga isu ni John Paul Estrada.
Kadagiti met gundaway nga agmaymaysa laeng a mangipatulod iti kuarta, adda bitbitna nga Acknowledgement Receipts (AR) a nakailistaan ti pakabuklan a gatad ti kuarta a naipatulod.
-- ADVERTISEMENT --
Kalpasan ti delivery, imbilin ni Alcantara a madadael ken maibelleng ti AR ta kunana a nalpasen.
