--Ads--
Impakaammo ni Senate President Alan Peter Cayetano ti panangbukel ti Blue Ribbon Subcommittee a mangtutok iti imbestigasion ti maipagarup a binilyon a flood control scandal.
Idauloan daytoy ni Senador Rodante Marcoleta, kagiddan ti nalawlawa a re-organisasion ti Blue Ribbon Committee kalpasan ti panagbaliw ti liderato ti Senado.
Ti addang ket gapu iti tengnga ti kontrobersiya kalpasan a nagiruar ti Sandiganbayan ti plunder ken graft charges kontra ken ni Senador Jinggoy Estrada ken dati a DPWH Secretary Manuel Bonoan mainaig iti iregularidad ti flood control projects.
Pinasingkedan ni senador Cayetano a gagem ti subcommittee a mapapardas ti panangibutaktak ti kinapudno kadagiti alegasion ti korapsion.
-- ADVERTISEMENT --
