Kumpiyansa ti Philippine National Police nga awan ti mapasamak a riot iti manamnama a protesta inton bigat, Setyembre 21, segun ken ni PNP public information chief Col. Allen Rae Co.
Simsimpaen ti PNP ti security plan ken deployment da basar kadagiti napasamak a protesta idi napan a tawen no sadino adda ti napasamak a riri iti Ayala Bridge ken Mendiola Peace Arch area idiay Manila.
Manamanama nga agu-ummong manen dagiti grupo tapno babalawen ti korapsion mainaig ti flood control scandal ken lagipen ti maika-54 nga anibersaryo ti deklarasion ti Martial Law.
Pinasingkedan ti PNP nga awan pay ti grupo ti nag-apply ti permit para iti protesta, ngem impaganetget ti Bagong Alyansang Makabayan nga agisayangkat da ti programa iti Liwasang Bonifacio sakbay da a mapan idiay Mendiola.
Nasurok 15. 700 a pulis ti maideploy para iti seguridad, bayat a naingato metten ti National Capital Region Police Office iti full alert status.
