Innem a flood control projects idiay Davao City ti ibilang ti National Bureau of Investigation a napipigsa a kandidato kas posible a ‘ghost project’ kalpasan ti naisayangkat a panagsukisok iti 100 a proyekto iti siudad.
Segun ken ni NBI Director Atty. Melvin Matibag, 51 iti 100 a proyekto a nakita ket na-red falg gapu kadagiti posible nga irregularidad.
Natakuatan pay dagiti imbestigador a maysa a geographic coordinate ti naikkan ti pondo iti lima a gundaway iti uneg ti maysa a General Appropriations Act budget year ngem adda ti agduduma a project tiles.
Segun ken ni Matibag, dua a gundaway daytoy a naikkan ti sag-P21 milyon ken tallo a gundaway met ti sag-P22 milyon.
Agtultuloy ti imbestigasion ti NBI dagiti flood control project a nakaala ti contractor a Genesis 88.
Immunan nga impaganetget ti ahensia nga umabot iti nasurok-kumurang P7 bilyon a gatad dagiti proyekto a naala ti maysa a contractor idiay Davao City manipud 2018 aginga 2024.
