--Ads--
Impakaammo ti Office of the Ombudsman a target nga ipila ita a lawas ti kaso a plunder kontra ken ni Senador Jinggoy Estrada mainaig iti maipagarup a maanomalya a flood control projects.
Segun ken ni Ombudsman Jesus Crispin Remulla, permaan na ti information kontra iti senador sakbay a maipasa iti Sandiganbayan.
Immunan nga inrekomendar ti Department of Justice (DOJ) ti panagipila ti plunder, graft ken direct bribery charges kontra ken ni Estrada ken dadduma pay nga opisial, pakairamanan ni dati a Public Works Secretary Manuel Bonoan.
Inlawlawag ni Remulla a naitantan pagbiit ti panagipila ti kaso gapu ta masapul a simpaen ken lawlawagan ti resolusion tapno natibtibker ti maipila nga impormasion.
-- ADVERTISEMENT --
