Pinaglibakan ni Presidente Ferdinand Marcos Jr. dagiti alegasion a ponpontiryaen ti administrasion na dagiti miembro ti Senate majority bloc kasaruno kadagiti kaso a naipila kontra kadagiti sumagmamano a senador.
Pinasingkedan ni presidente Marcos a nakabasar dagiti reklamo nga ig-iggaman ti Office of the Ombudsman kadagiti ebidensia a rimmuar manipud iti imbestigasion ti Senate Blue Ribbon Committee mainaig iti maanomalya a flood control projects.
Segun ti presidente, awan ti pakainaiganna iti agdama a realignment ti Senado kadagiti reklamo a naipila kadagiti sumagmamano a senador.
Immunan nga inawagan ti kaalyado ni Senador Jinggoy Estrada a “political persecution” ti panagipila iti Ombudsman ti kaso a plunder ken graft kontra kenkuana ken dadduma pay a senador a suportado ken ni Senate President Alan Peter Cayetano.
