Pinasingkedan ti Bureau of Internal Revenue (BIR) nga immado ti bilang dagiti retailer ti dagus a natiliwan nga aglaklako kadagiti vapes nga awan ti tax stamps.
Segun kenni Bureau of Internal Revenue (BIR) Commissioner Romeo Lumagui Jr., manipud idi imbilinna ti nationwide raid idi October 16, ket umaboten iti 408 a vape retailers a natiliwan nga aglaklako iti illegal vape products.
Kaaduan kadagiti na-raid ket taga-Bulacan, Siudad ti Manila, Siudad ti Quezon, Siudad ti San Juan, Siudad ti Makati, Siudad ti Las Pinas, Pangasinan, Benguet, Isabela, Laguna, La Union, Siudad ti Pasay, Albay, Iloilo, Cebu, Bohol, Leyte, Bukidnon , Misamis Oriental, Surigao del Norte, Butuan, Agusan del Sur, South Cotabato, Davao, Negros Occidental, Negros Oriental, ken Ilocos Sur.
Karaman kadagiti violation dagiti retailer ket ti kaawan ti revenue stamps ken BIR registration para iti panaglako kadagiti vape products.
