Naipasan ti Bureau of Internal Revenue iti House Committee on Justice ti tax records ni Vice President Sara Duterte ken ti asawa na a ni Manases Carpio.
Pinasingkedan ni Batangas Rep. Gerville Luistro a moot and academic ti petition ni Carpio iti Quezon City Regional Trial Court (RTC) a gagem na a lapdan ti BIR nga ipasa dagiti dokumento nga impa-subpoena ti House panel.
Impaganetget ni Luistro a ti panagdenggeg inton Abril 22 ket naka-sentro iti maipagarup nga ill-gotten wenno unexplained wealth ti bise presidente.
Kalaksidan ti BIR, impakaammo pay ni Luistro nga ipresenta pay ti Office of the Ombudsman dagiti Statement of Assets, Liabilities and Networth (SALN) kas ta pay ti report ti Anti-Money Laundering Council (AMLC) mainaig dagiti bank transaction ti Bise Presidente ken ti asawana.
