Madanagan ti maysa nga opisial ti Bureau of Internal Revenue kalpasan a nairruar iti publiko dagiti nagan dagiti revenue officers kalpasan nga impakita di depensa iti screen dagiti confidential Letters of Authority (LOAs).
Daytoy ket kalpasan nga impresentar ni defense counsel Kristine Ferrer dagiti LOA ni Vice President Sara Duterte ken ti asawa na a ni Atty. Manases Carpio iti cross examination.
Namin-ano a daras nga dinoble ni prosecution witness Anne Loraine Garcia-Marquez, Chief-of-Staff ti BIR Commissioner, a saan a masapul a maibutaktak iti publiko ti linaon dagiti LOA.
Inlawlawag ni Garcia-Marquez a ti pakadanagan na ket ti panakaipakita dagiti nagan ti revenue officers a masapul kuma a na-redact wenno naabbungan.
Impasigurado met ni Presiding Officer Senator-judge Francis Escudero a maikkat ti nagan kadagiti dokumento a maipasa iti Korte ken ikkaten ti Senado iti livestream iti umuna a past ti impeachment ni VP Sara gapu iti panaglabsing iti data privacy law
