Naibutaktak iti impeachment trial nga indeklara ni Vice President Sara Duterte iti BIR Form 2136-nga nga immawat iti compensation income manipud iti City Government of Davao idi 2023, maysa tawen kalpasan a nabotosan kas bise presidente.
Segun ken ni Atty. Anne Loraine Garcia-Marquez ti Bureau of Internal Revenue (BIR), nailanad iti dokumento ti nagan ti Davao City government kas employer ni Duterte ken pinermaan daytoy ti city accountant.
Kwinestionaran ti prosekusyon ti nasao a pastrek mainaig iti probisyon ti 1987 Constitution a mangiparit iti presidente ken bise presidente a maaddaan iti sabali a propesion wenno sumagmamano a pinansial nga interes kabayatan ti panagtakemna.
Maar-aramat dagiti tax record kas paset iti ebidensia ti impeachment complaint a mangipabpabasul ken ni Duterte iti saan a maipalawag a baknangna ken saan a husto a panangideklarana iti Statement of Assets, Liabilities, and Net Worth-na.
