Manamnama a pagpokusan ti Kamara de Representantes inton bigat ti impeachment case kontra ken ni Vice President Sara Duterte pakairamanan ti sponsorship, interpellation ken panagbobotos iti committee report ken Articles of Impeachment.
Segun ken ni Manila Rep. Joel Chua, nakaituding nga agbalin a kangrunaan nga agenda ti plenaryo ti impeachment proceedings.
Immunan nga inaprubaran ti House Committee on Justice ti impeachment complaints kontra ken ni Duterte iti botos a 53-0 para iti probable cause ken 55-0 met iti committee report ken Articles of Impeachment.
Iti salinong ti 1987 Constitution, masapul a saan a nababbaba iti 106 a botos tapno maipatulod iti Senado ti Articles of Impeachment para iti trial.
Segun ken ni Chua, nasurok duagasut nga agpampanday6 linteg iti mapapati a nangibingay iti suportaran.
Kinuna ni Chua, pimmigsa ti suportar kalpasan a natratar kadagiti panagdenggeg iti isyu ti SALN, AMLC records, confidential funds ken dadduma pay nga alegasyon kontra iti bise presidente.
Bukbuklen ti impeachment case iti uppat nga Articles of Impeachment, pakairaman ti mapapati a panagaramat ti confidential funds, unexplained wealth, bribery ken grave threats.
