--Ads--
Inyatiddog ti Bureau of Internal Revenue (BIR) ti deadline ti filing ti 2025 Annual Income Tax Returns manipud Abril 15 agingga Mayo 15, 2026.
Segun ti ahensia, gagem daytoy a maikkan ti naat-atiddog a panawen ti tunggal taxpayer tapno maka-file ti nasayaat, kumpleto iti amin a kasapulan a dokumento nga awan ti maipataw a penalties.
Mabalin nga agipasa wenno agbayad dagiti taxpayer babaen iti BIR collection platforms wenno kadagiti Authorized Agent Banks.
Inlawlawag ti BIR a ti panangpa-atiddog ti deadline ket paset iti addang tapno mapalag-an ti panagbayad ti buwis dagiti Pilipino, kangrunaan iti tengnga ti panagngato ti presio ti langis ken dadduma pay a kangrunaan a magatang.
-- ADVERTISEMENT --
