Umun-una kadagiti “most complained” nga ahensya ti Land Transportation Office (LTO) ken Social Security System (SSS) kas maibasar iti listaan ti Anti-Red Tape Authority (ARTA) agingga March 2026.
Segun ti ARTA, umabot iti 152 ti pakabuklan a reklamo a ti 132 ket nasolbaren idinto a ti duapulo pay iti aktibo.
Iti met SSS ket nairekord iti 156 a reklamo, 112 dayta iti naresolbar ken 44 iti nakapenpen.
Segun ken ni ARTA Secretary Ernesto Perez, masansan a reklamo ti delay a proseso iti aplikasyon, nayon a requirements ken panaglabsing iti Citizen’s Charter.
Iti baet dayta ket agtultuloy iti pannakikammayetda kadagiti nasao nga ahensia tapno mapasayaatda ti serbisyoda.
Karaman dagiti ahensya nga adda nangato a bilang ti reklamona ket ti Bureau of Internal Revenue (BIR), Food and Drug Administration (FDA), Land Registration Authority (LRA), Philippine Statistics Authority (PSA), Department of Education (DepEd), National Telecommunications Commission (NTC), Department of Migrant Workers (DMW), Professional Regulation Commission (PRC), Department of Human Settlements and Urban Development (DHSUD), ken Department of Science and Technology (DOST).
