VIGAN CITY – Maysa nga amazona iti mapapati a napapatay ken maysa a rebelde iti nadonor kabayatan iti closed-encounter iti nagbaetan iti miembro ti 81st Infantry Batallion ken New People’s Army idiay Brgy. Siroan, Salcedo, Ilocos Sur.
Segun kenni Lt. Col. Julio Osias, commanding officer ti 81st IB, sapsapulen da pay laeng iti bangkay a nakaipanan iti napapatay nga amazona ken no sadino nga ospital iti nakaitarayan iti nadonor dagiti rebelde kalpasan nga inlugan dagiti kakadwa na iti 4-wheeler a lugan.
Inaig iti dayta ket nakubkob dagiti militar ti temporaryo a kuta dagiti rebelde ket nakarekobre da iti dokumento ken Improvised Explosive Device (IED).
Kabayatanna, natalgeden iti kasadaad dagiti lima a suldado a nadonor gapu iti rinnupak a nagpaut iti 30 a minutos.
