Ti Low Pressure Area (LPA) a mamonmonitor iti uneg ti Philippine Area of Responsibility (PAR) ket nagbalinen a Tropical Depression “HUANING”.
Naudi a nasaripatpatan itay alas kuatro iti parbangon iti sentro ti Tropical Depression Huaning iti kaadayo a 520km East Northeast iti Itbayat, Batanes a ti kapigsa iti anginna ket 45km/h ken umad-adayon iti pagilian isu nga awan iti aniaman nga epektona.
Agturong iti direksyon iti Japan ket posible a rumuar inton rabii wenno inton bigat iti agsapa.
Ti met trough iti tropical depression nga adda iti ruar ti PAR ket adayo iti pagilian ngem apektaranna latta iti iti western sections iti Northern ken Central Luzon nangruna iti Ilocos Region, Zambales ken Bataan isu a posible iti naarbis iti panniempo.
Apektaran ti Southwest Monsoon idiay Palawan isu a naulep agingga mapattu-pattuk a tudo ken nagarruod iti panniempo idinto a pasaray nakuyem agingga naarbis iti panniempo idiay Metro Manila ken nabatbati a paset iti pagilian gapu ti localized thunderstorm.
