Inlawlawag ti Bureau of Immigration (BI) nga awan pay laeng ti kolektaenda a P480 kadagiti pasahero a sumrek ken rumuar iti pagilian.
Immunan a rimmuar kadagiti report nga agkolekta ti Bureau of Immigration iti P480 a Civil Aviation and Immigration Security Services (CAISS) Project fee iti amin a pasahero nga agaramat iti airport.
Segun ken ni Immigration Commission Joel Anthony Viado, ti gakatda a panagsingir iti service fee ket saan pay a naipinal wenno naaprubaran.
Inlawlawag ni Viado nga agtaltalinaed a maysa a proposed public-private partnership ti proyekto tapno maaddaan ti modernization iti border control babaen ti advanced biometric systems, real-time risk assessment, data integration ken automated immigration technologies.
Innayon ti opisyal, ti $4 wenno mapatta-patta a P247 user fee ket manarimaan pay laeng a marevreview ken dumalan pay iti stakeholder consultations.
