Rimmuar iti kaudian a survey iti Social Weather Stations (SWS) a 38% a Pilipino nga agtawen iti sangapulo ket walo agpangato ti mamati a sumayaat iti kalidad iti biagda iti sumaruno a sangapulo ket dua a bulan.
Segun ti SWS, ti 38% ket naibilang nga optimists idinto a 32% ti mamati nga agtalinaed iti sitwasyonda, 16% iti pessimists wenno namnamaenna a kumaru iti sasaadenda ken 14% iti awan ti sungbatna.
Gapu dayta ket umabot iti +23 ti net personal optimism (optimists minus pessimists) nga in-classify iti SWS a “high” manipod “very high” +36 idi November 2025.
Iti listaan ket bimmaba ti lebel ti optimism idiay Metro Manila manipod +36 agturong iti +28; iti Mindanao manipod +35 ket nagbalin a +20; ken agtaltalinaed a high iti Visayas iti +27 manipod +29.
Segun pay ti SWS, bimmaba iti pakabuklan a lebel manipod “excellent” +40 a nagbalin a +22.
