Nagbalaag ti Malakanyang kontra iti panagtakaw ti napapateg a piyesa dagiti pumping station kalpasan a maitantan ti operasion iti sumagmamano kadagituy idiay Metro Manila.
Segun ken ni Palace Press Officer Atty. Claire Castro, nakaladladingit daytoy gapu ta ar-aramiden ti Presidente, ti Department of Public Works and Highways, Metro Manila and Development Authority, ken dadduma pay nga ahensia ti amin nga addang tapno maliklikan ti problema iti panaglayus.
Nagpanawagan ni Castro kadagiti maipagarup a mangdadael a saan a maginbubukod gapu ta biag, salun-at ken sanikua ti maapektaran gapu iti panagtakaw dagituy.
Immuna nga impaganetget ni DPWH Secretary Vince Dizon a saan a nagandar ti Sunog Apog Pumping Station idiay Tondo, Manila kalpasan a natakaw dagiti high-voltage cable na daytoy.
