Nagsinnungbat da Department of Labor and Employment (DOLE) Secretary Francis “Tol” Tolentino ken Kamanggagawa party-list Rep. Eli San Fernando mainaig ti patangan iti nayon a sweldo dagiti mangmangged iti Metro Manila.
Iti panagdengngeg ti House committee on appropriations iti budget ti DOLE, sinitar ni San Fernando ni Tolentino no apay a saan da nga ipatungpal ti wage increase.
Segun ken ni Tolentino, kayat da man nga ipatungpal ti wage increase ket adda dagiti jurisprudence mainaig iti unilateral disregard doctrine.
Inkalintegan ni Tolentino a saan a ti DOLE ti agdesision mainaig iti patangan ti bond ngem ti korte laeng gapu ta mabalin da nga ag-contempt.
Inlawlawag met ni San Fernando a ti argumento dagituy iti petision da ket awan ti hurisdiksion ti RTC iti labor gapu ta mailabsing daytoy iti Labor Code partikular iti 123 a no adda ti appeal process iti wage increase ket risuten laeng daytoy ti National Wages and Productivity Commission.
