Impakaammo ti Land Transportation Franchising and Regulatory Board (LTFRB) nga agingga May 22 laengen ti service contracting program iti gobierno.
Segun ti LTFRB, ti nasao a banag ket agpatinggan ti pannakaipaay ti 20% fare discount kadagiti regular a pasahero ken pakabuklan a 40% discount para kadagiti estudyante, senior citizen ken persons with disability (PWD).
Naipatungpal ti programa tapno makatulong kadagiti commuter babaen ti napaspaspas ken nalaka a public transportation iti baet ti nagsasaruno a panagpangina iti presyo iti produkto petrolyo manipod idi Pebrero.
Sinigurado ti LTFRB nga agtultuloy iti panangted ti tulong iti gobierno iti sektor iti transportasyon kasaruno ti bilin ni Pres. Ferdinand Marcos Jr.
Pakairamanan dayta iti P10 kada litro a fuel discount para kadagiti pampasahero a jeep ken UV Express nga ipatpatungpalen ita iti intero a pagilian kalpasan ti dry runb idiay Metro Manila.
Segun ti LTFRB, nasurok 141,000 a unit ti jeepney ken UV Express iti karaman iti fuel subsidy program ken posible a mairanud iti discount nga adda agingga 150 liters kada lawas tunggal lugan.
