--Ads--
Nakaibayogen ti security alert iti US Embassy idiay Manila kalpasan a natay iti dua a Filipino-American iti engkwentro iti nagbaetan iti military ken New People’s Army (NPA) idiay Toboso, Negros Occidental idi April 19.
Gapu dayta ket binalakadan iti embahada dagiti umili iti Amerika a liklikan dagiti lugar nga adda aktibo nga operasyon iti military pakairamanan ti Negros, Leyte, Samar ken Mindoro.
Ibilang ti US ken Philippine government ti NPA kas foreign terrorists organization.
Kinuna ti embahada a rumbeng nga agannad dagiti Amerikano iti panagdalyasat kadagiti rural area ken insigida a pumanaw no makakita kadagiti armado a grupo.
-- ADVERTISEMENT --
Nangiruarda pay ti Demonstration Alert idi kalman maipanggep ti Labor Day protest idiay Metro Manila.
