--Ads--
Naparpardasen nga agpababa ti layus iti sumagmamano a paset ti Metro Manila, indikasion iti Manila Development Authority (MMDA) nga addan ti improvements kadagiti adddang kontra iti panaglayus.
Pinasingkedan ni MMDA General Manager Nicolas Torre III a karaman iti nakitaan ti panagbaliw ti paset ti Aurora Boulevard ken Katipunan Avenue idiay Quezon City.
Ti layus ket dati nga umabot iti 18 agingga 24 nga oras sakbay a bumaba ti danum ket itan ket maipagarup nga iti uneg laengen ti nasurok-kumurang lima nga oras.
Inyarig ti MMDA ti panagbaliw iti koordinasion da iti Department of Public Works and Highways (DPWH) ken dagiti lokal a gobierno iti panagsukisok ken panangpasayaat ti waterways, drainage systems ken pumping stations.
-- ADVERTISEMENT --
