Indauloan ni Presidente Ferdinand Marcos Jr. ti situation briefing iti epekto ti Habagat wenno Enhanced Southwest Monsoon, pakairamanan ti panaglayus iti Metro Manila ken dadduma pay a lugar.
Naireport a napaspasen nga agpababa dagiti danum gapu iti agtultuloy a dredging, panangpalawa ti drainage systems ken operasion dagiti pumping station.
Imbilin ni presidente Marcos ti agtultuloy a dredging ken pumping operations, panangsukat kadagiti daan a drainage, ken panag-upgrade ti seawalls ken dadduma pay a floodwater-management structures.
Impaganetget na pay ti panagleppas ita a bulan ti detailed engineering para iti 30 sites iti underground water-storage facilities.
Segun ken ni Marcos, masapul nga adalen ti water-capture and reuse system tapno maaramat dagiti makolekta a danum para iti household, industrial ken irrigation purposes imbes nga ibelleng iti kabaybayan.
