Mayorya, posible nga adda panaglabsingda iti panagliway iti sesyon

Ad-adalen ti minorya iti Senado no adda panaglabsing iti saan a panagdar-ay iti session dagiti miembro ti majority bloc.

Segun ken ni Senator Sherwin Gatchalian, siguradoenna nga adda violation iti rules iti mayorya kalpasan iti saanda a panagserrek iti session.

Kinunana a saan a kellaat lattan a kanselaren ti sesyon nga awan iti pakaammo iti majority ken minority.

Impaganetget ni Gatchalian iti mayorya nga agtrabahodan iti Senado ken rumbeng nga addan quorum ken adda iti presiding officer a manglukat iti sesyon.

Kinuna met ni Senador Migz Zubiri nga iti uneg iti sangapulo ket uppat a tawenna iti Senado ket ita laeng a naimatanganna a saan a dimmar-ay ti presiding officer.