Pinaglibakan ti Malakanyang nga adda ti ammo ti administrasion iti panagakar ni Senador Mark Villar iti majority bloc ti Senado.
Impaganetget ti Malakanyang a nawaya dagiti senador nga agdesision para iti bukod da a bagi.
Sungbat daytoy iti statement ni Senate Minority Leader Alan Peter Cayetano a nagbalin a napateg para iti administrasion a mapagtalinaed ti maysa nga asideg a kaalyado ti mayorya iti Senado.
Segun ken ni Palae Press Officer Undersecretary Claire Castro, manipud idi nabotosan ni Cayetano kas Senate President agingga idi naikkat iti puwesto, administrasion latta ti kinanayon na a pabasulen.
Pinasingkedan ni Castro nga awan ti ammo ti administrasion kadagiti kontroberisya ti Senado kadagiti napalpalbas a bulan, pakairamanan iti tension iti liderato, insidente ti pammaltog ken ti maipagarup a panangitakas ken ni Senador Ronald “Bato” Dela Rosa.
