Impaganetget ni baro a nadutokan a Presidential Communications Office (PCO) Secretary Lino Cayetano ti kasapulan a nasaysayaat a mailawlawag iti publiko dagiti programa ti administrasion ni Presidente Ferdinand Marcos Jr.
Binigbig ni Cayetano dagiti pagkurangan ti PCO iti panangidanon iti impormasyon iti publiko bayat ti pannakipasetna iti Malakanyang press corps.
Impaganetget ni Cayetano ti kasapulan a mapasayaat ti relasion ti gobierno ken media gapu ta bigbigen ti administrasion ti napateg nga akem dagiti journalist kas maikapat nga adigi ti demokrasia.
Innayonna pay a ti direktiba ti presidente ket naipamaysa iti panangipakita no kasano a direkta a magunggonaan dagiti Pilipino kadagiti inspeksion, executive orders ken proyekto nga ar-aramiden dagiti nadumaduma nga ahensia ti gobierno.
