VIGAN CITY- Ipabaklayan kadagiti otoridad ni Atty. Joel Marquez, agnaed idiay Mindoro, Vigan City, ti imbestigasyon iti pannakapaltog dagiti dua a court employees idiay Batac, Ilocos Norte a nakairamanan ti personnel na a ni Sherwin Dagupion a taga-Badoc, Ilocos Norte.
Segun ken ni Atty. Marquez, mapaneknekan na nga awan pakainaigan ni Dagupion iti pannakapaltog da Teodorico Dagupion kenni Rendell Villaruz nga agpada nga empleyado ti Regional Trial Court Branch 65 idiay Laoag City, Ilocos Norte ta nagmalmalem da a nagkadua idi Oktubre Uno nga isu iti pannakapasamak ti krim
Idi Oktubre uno kas kinuna ti abogado, kadua na ni Dagupion nga immatendar iti hearing ket mapaneknekan dayta iti minutes of the hearing ken ti kamaleman na ket nakita pay iti maysa a pulis a nagpanotaryo iti abogado.
Immuna iti dayta, nakemmeg idiay Mindoro, Vigan City ni Dagupion ta isu ti intudo ti biktima a ni Teodorico a nangpaltog kadakuada kabayatan a nakalugan da iti kotse a poon iti nakatayan ni Villaruz.
